శరణాగత రక్షణ బిరుదని నే శరణంటిగదయ్యా
వెరవకుమని అభయంబొసగవే నను గన్నతండ్రివయ్యా
కరివరదా సిరులొసగను దశరథ నందన రావయ్యా
నిరతము నీ నామము నా జిహ్వకు రుచికరమయ్యా
ముద్దులొలుక రామదాసుడని ముచ్చటలాడుమయ్యా
పద్దులన్నీ దీర్చెడి భద్రాచలపతి నీవేనయ్యా
శ్రీరామా! శరణాగతులను రక్షించేవాడనే బిరుదు నీకు ఉన్నదని నమ్మి నేను నీ శరణు వేడితిని కదయ్యా! భయపడవద్దని నాకు అభయమిచ్చి కాపాడవయ్యా, నీవే నన్ను కన్న తండ్రివయ్యా! గజేంద్రుని రక్షించిన వరదా! దశరథనందనుడవైన శ్రీరామా! నాకు సంపదలను ప్రసాదించుటకు రావయ్యా! ఎల్లప్పుడూ నీ నామమే నా నాలుకకు ఎంతో రుచికరమై ఉన్నదయ్యా! ప్రేమ పొంగేలా నన్ను రామదాసుడని పిలుస్తూ నాతో ముచ్చటలాడుమయ్యా! నా అప్పులన్నింటినీ తీర్చగల భద్రాచలపతివి నీవే కదయ్యా!
యమన్ కల్యాణి రాగంలో స్వరపరచబడిన ఈ భద్రాచల రామదాసు కృతిని మల్లాది సోదరులు ఆలపించారు.
కామెంట్లు లేవు:
కామెంట్ను పోస్ట్ చేయండి