గాయతి వన మాలి - సదాశివ బ్రహ్మేంద్రుల కృతి

గాయతి వన మాలి మధురం గాయతి వన మాలి

పుష్ప సుగంధ సుమలయ సమీరే

పావన మునిజన యమునాతీరే

కూజిత శుకపికముఖ ఖగ కుంజే

కుటిలాలక బహునీరదపుంజే

తులసిదామ విభూషితహారీ

జలజభవ స్తుత సద్గుణశౌరీ

పరమ హంస హృదయోత్సవకారీ

పరిపూరిత మురళీరవధారీ  

వనమాలిని ధరించిన శ్రీకృష్ణుడు మధురంగా గానం చేస్తున్నాడు. పుష్పాల సుగంధంతో నిండిన మలయమారుతం మెల్లగా వీచే పవిత్రమైన యమునాతీరంలో, మునిజనులు సంచరించే ఆ పుణ్యప్రదేశంలో ఆయన వేణుగానం మార్మోగుతోంది. చిలుకలు, కోకిలలు మొదలైన పక్షుల మధుర రావములతో అలరారే పొదరిళ్ల మధ్య, వంకరగా ముంగురులు అలరారుతూ, నల్లని మేఘాల సమూహంలా శ్యామలవర్ణంతో కృష్ణుడు ప్రకాశిస్తున్నాడు. తులసీమాలతో అలంకరించుకొని, కమలంలో జన్మించిన బ్రహ్మదేవునిచే స్తుతింపబడే సద్గుణసంపన్నుడైన ఆ శౌరి, పరమహంసలైన మహాత్ముల హృదయాలకు పరమానందాన్ని కలిగిస్తూ, తన మురళి నుండి పరిపూర్ణమైన మధుర నాదాన్ని వెదజల్లుతూ గానం చేస్తున్నాడు.

హంసధ్వని రాగంలో స్వరపరచబడిన ఈ కృతిని మహాభాష్యం చిత్తరంజన్ గారు ఆలపించారు.