రాముని వారము మాకేమి విచారము - భద్రాచల రామదాసు కృతి

రాముని వారము మాకేమి విచారము స్వామీ నీదే భారము దాశరథే జీవాధారము

తెలిసీ తెలియ నేరము మా దేవునిదే ఉపకారము

తలచిన శరీరము మది పులకాంకురపూరము

ఘోరాంధకారము సంసారమే నిస్సారము

శ్రీరాముల అవతారము మది చింతించుటే సారము

ఎంతెంతో విస్తారము ఆ వింతల వయ్యారము

ఎంతో శృంగారము మా సీతేశుని అవతారము

ఇతరుల సేవ కోరము రఘుపతినే నమ్మినారము

అతి రాజసుల జేరము మా రాముని దాసులమైనాము

రాముని వారమైన మాకు ఇక ఎటువంటి విచారమూ లేదు. దశరథ రాముడే మాకు జీవనాధారము. స్వామీ మా భారమంతా నీదే. తెలిసి చేసినా, తెలియక చేసినా మా నేరములను మన్నించి మాకు ఉపకారము చేయవలసినది మా దేవుడవైన నీవే. నిన్ను తలచినంతనే మా శరీరమంతా పులకాంకురాలతో నిండిపోతుంది. ఈ సంసారము ఘోరాంధకారమై నిస్సారమైనది; అందువల్ల శ్రీరాముని అవతారాన్ని మనసులో నిరంతరం చింతించడమే జీవితానికి నిజమైన సారము. ఆ రామావతారంలోని లీలలు ఎంతో విస్తారమైనవి, వింతైనవి, మనోహరమైనవి. సీతాపతియైన శ్రీరాముని అవతారము ఎంతో సుందరమైనది, శృంగారరసపూరితమైనది. మేము ఇతరుల సేవను కోరము. రఘుపతినే పూర్తిగా నమ్ముకున్నాము. ఎంతటి గొప్ప రాజులనైనా ఆశ్రయించము, ఎందుకంటే మేము మా శ్రీరాముని దాసులమైనాము. ఆనందభైరవి రాగంలో స్వరపరచబడిన ఈ భద్రాచల రామదాసు కృతిని శేషులతా విశ్వనాథ్ గారు నేర్పించారు. వీడియో చూడండి.