మారకోటి కోటి లావణ్య మాం పాలయ ధీరాగ్రగణ్య వాసుకి వలయ ధర
దారుకావన తపోధన తరుణీ మోహకార భిక్షాటన వేషధర శంకర
మన్మథుని కోటి కోటి రూపాల లావణ్యానికి సమానమైన అపార సౌందర్యము కలిగిన ఓ శంకరా! ధీరులలో అగ్రగణ్యుడవైన, వాసుకి సర్పాన్ని ఆభరణంగా ధరించిన నన్ను కాపాడుము. దారుకావనంలోని తపోధనులైన ఋషి పత్నులను మోహింపజేసిన భిక్షాటన రూపాన్ని ధరించిన శంకరుడవు. విరక్తులకు దేహబంధము లేని కైవల్యమోక్షాన్ని ప్రసాదించడంలో నిపుణుడవు. భక్తులకు అభయాన్ని ప్రసాదించేవాడవు. బ్రహ్మ మొదలైన సమస్త దేవతలచే ఉపాసించబడేవాడవు. విభూతి, రుద్రాక్షలను ప్రీతితో ధరించేవాడవు. పరశువు, జింక, అగ్ని, కపాలము, డమరుకము ధరించినవాడవు, పరమాద్వైత తత్త్వార్థాన్ని నిరంతరం అనుసంధానించేవాడవు. పర, వామదేవ మొదలైన సకల రూపాలలో విరాజిల్లేవాడవు. పరమేశ్వరుడవు. గురుగుహుడైన సుబ్రహ్మణ్యునితో సమానంగా ప్రకాశించేవాడవు. అటువంటి పరమశివా! నన్ను కాపాడుము.
ఆరభి రాగంలో స్వరపరచబడిన ఈ ముత్తుస్వామి దీక్షితుల కృతిని బాంబే జయశ్రీ ఆలపించారు.
కామెంట్లు లేవు:
కామెంట్ను పోస్ట్ చేయండి