కృష్ణా! నీ బేగనే బారో! - వ్యాసరాయల కృతి

కృష్ణా! నీ బేగనే బారో!

బేగనే బారో! ముఖవన్నే తోరో!

కాశి పీతాంబర కైయల్లి కొళలు

పూసిద శ్రీగంధ మైయొళగమ్మ

కాలలందిగె గెజ్జె నీలద బావులి

నీలవర్ణనె నాట్యవాడుత్త బారో

ఉడియల్లి ఉడుగెజ్జె బెరళల్లి ఉంగుర

కొరళల్లి హాకిద వైజయంతిమాల

తాయిగె బాయల్లి జగవన్నే తోరిద

జగదోద్ధారక నమ్మ ఉడుపి శ్రీకృష్ణ

ఓ బాలకృష్ణా! వేగమే రారా! వేగంగా వచ్చి నీ ముఖముని చూపించుము. పసుపు పచ్చని కాశీ పట్టు వస్త్రమును ధరించి, చేతిలో వేణువు, నీ శరీరమంతా శ్రీగంధం అలదుకొని యున్న శ్రీకృష్ణా! వేగమే రారా! కాళ్లకు అందెలు, చేతులకు నీలాలతో కూడిన వంకీలు కలిగిన ఓ నీలవర్ణ కృష్ణా, నాట్యమాడుతూ వేగమే రారా! నడుముకు గజ్జెలున్న మొలత్రాడు, వేళ్లకు ఉంగరాలు, మెడలో వైజయంతి మాల వేసుకున్న శ్రీకృష్ణా! వేగమే రారా! యశోదమ్మకు నీ నోట జగత్తునే చూపించినవాడవు, ఆ జగత్తును రక్షించేవాడవైన ఓ ఉడుపి శ్రీకృష్ణా! వేగమే రారా!

కృష్ణా నీ బేగనే బారో....మధురభక్తి, సగుణోపాసనలో పతాకస్థాయి దేవర నామా. యమన్ కల్యాణి రాగంలో ఈ కృతి వింటే మనసు తన్మయత్వం పొంది కృష్ణభక్తి సామ్రాజ్యంలో నాట్యం చేస్తుంది. కృతికర్త ద్వైత మతంలో మహాగురువు వ్యాసతీర్థుల వారి చరిత్ర చదివితే దక్షిణ భారతంలో దాస సాంప్రదాయం 700 ఏళ్ల తరువాత కూడా నిలిచి ఉంది ఉంటే ఆయన ఆధ్యాత్మిక జ్వాలలు ఎంతటి శక్తివంతమైనవో అర్థమవుతుంది. విజయనగర సామ్రాజ్యానికి దిశానిర్దేశం చేసిన కారణజన్ములు వ్యాసతీర్థుల వారు. తిరుమలలో స్వామిని 12 ఏళ్ల పాటు కొలిచి విజయనగర ప్రభువుల ఆధ్యాత్మిక ప్రపత్తిని అక్కడ నాటారు. అలాగే, కర్నాటక-రాయలసీమ ప్రాంతాలలో కొన్ని వందల హనుమాన్ విగ్రహాలను ప్రతిష్ఠించి సనాతన ధర్మ పరిరక్షణకు తోడ్పడిన వారు వ్యాసతీర్థులు. విజయనగర ప్రభువులకు ఉన్న గండాన్ని తొలగించటానికి ఏకంగా సింహాసనాన్ని అధిరోహించి తన ఆధ్యాత్మిక శక్తితో ఆ గండాన్ని నివారించగలిగిన ప్రహ్లాదావతార పురుషులు వీరు. పురందరదాసు, కనకదాసు మొదలైన వాగ్గేయకారులకు దీక్షను ఇచ్చిన గురువులు వీరే.

యమన్ కల్యాణి రాగంలో స్వరపరచబడిన ఈ కృతిని రంజని-గాయత్రి సోదరీమణులు ఆలపించారు.