మాకేలరా విచారము? మరు గన్న శ్రీ రామచంద్ర!
సాకేత రాజ కుమార! సద్భక్త మందార! శ్రీకర!
జత కూర్చి నాటక సూత్రమును జగమెల్ల మెచ్చగ కరము నిడి
గతి తప్పకనాడించేవు సుమ్మీ! నత త్యాగరాజ! గిరీశ వినుత!
మదనుని జనకుడవైన శ్రీరామా! నీవుండగా మాకు విచారమేల? సాకేతపురానికి రాజకుమారుడవైన శ్రీరామా! నీవు సద్భక్తుల పాలిట కల్పవృక్షానివి! సమస్త శుభములు కల్గించేవాడవు, నీవుండగా మాకు విచారమేల? ఈ జగన్నాటకము యొక్క సూత్రములను కూర్చి చేత ధరించి లయ తప్పకుండా ఆడించెదవు సుమా! త్యాగరాజునిచే, పరమశివునిచే నుతించబడిన శ్రీరామా! నీవుండగా మాకు విచారమేల?
రవిచంద్రిక రాగంలోని ఈ కృతిని బాంబే జయశ్రీ రామనాథ్ గారు గానం చేశారు.
కామెంట్‌లు లేవు:
కామెంట్‌ను పోస్ట్ చేయండి