కనకశైల విహారిణి!శ్రీ కామకోటిబాలే! సుశీలే!
బంగారు మేరు పర్వతముపై విహరించే ఓ కామకోటి బాలా! నీవు సుగుణవతివి. బ్రహ్మ విష్ణువులచే నుతించబడే దేవీ! హిమవంతుని పుత్రీ! నీవు లలితవు! శంకరుని అర్థాంగివి! సతీదేవివి! నీవే మహాత్రిపురసుందరివి! ఎల్లప్పుడూ నిన్ను నుతించే నన్ను కాపాడుము. శంఖము వంటి కంఠము, తామరవంటి ముఖము, గజగమనము కలిగినదానవు! మణిపీఠముపై నివసించెదవు! శంబరుని సంహరించిన శివునికి ఆనందము కలిగించేదానవు! శివశంకరివి! ఎల్లప్పుడూ మధురమైన వచనములు పలికే తల్లివి. చండముండాసురులను సంహరించుటలో నిపుణురాలవు! చెరకు గడతో ప్రకాశించే హస్తము కలదానవు! తెల్లనితామరవంటి కన్నులు కలిగిన విష్ణువుచే అర్చించిన పదములు కలదానవు! త్రిపురవాసినివి! శివానివి! పరమశివునికి ఆనందము కలిగించెదవు. ఓ శ్యామలాంబికా! నీవు ఈ శ్యామకృష్ణుని భవసాగరమును దాటించి రక్షించే జననివి! కామ్యములను తీర్చి ఫలములొసగే కామాక్షివి! సమస్త లోకములకు సాక్షివి నీవు.
పున్నాగవరాళి రాగంలోని ఈ కృతిని ఎమ్మెస్ సుబ్బులక్ష్మి గారు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి