తల్లీ నిన్ను నెర నమ్మినాను వినవే
ఎల్ల లోకములకాధారమైయున్న నా
ఆదిశక్తి! నీవు పరాకు సేయక ఆదరించుటకిది మంచి సమయము
గద! సరోజభవాచ్యుత శంభు నుత పద! నీదు దాసానుదాసుడ నే!
శ్యామకృష్ణ పరిపాలిని! శూలినీ! కామితార్ధ ప్రద! కంజ లోచనీ!
కామారి రాణీ! పురాణీ! పరాశక్తి! కామకోటి పీఠ వాసినీ!
అమ్మా! కంచికామకోటి పీఠములో నివసిస్తున్న కామాక్షీ! నిన్నే నిండుగా నమ్మియున్నాను, వినుము. సమస్త లోకములకు ఆధారమైన నా తల్లీ, నిన్నే నమ్మియున్నాను. ఆదిశక్తీ! నిర్లక్ష్యము చేయక నన్ను ఆదరించుటకు ఇది మంచి సమయము కదా! బ్రహ్మ విష్ణు మహేశ్వరులచే నుతించబడిన పదముల కల అమ్మా! నేను నీ దాసానుదాసుడను. నిన్నే నిండుగా నమ్మియున్నాను, వినుము. శ్యామకృష్ణుని పాలించే, శూలము ధరించే తల్లీ! కామ్యములను తీర్చే కలువల వంటి కన్నులు గల తల్లీ! మన్మథుని శత్రువైన శివుని రాణివి! పురాణములలో చెప్పబడిన పరాశక్తివి! నిన్నే నిండుగా నమ్మియున్నాను, వినుము.
కల్యాణి రాగంలోని ఈ కృతిని బాంబే జయశ్రీ గారు అలపించారు.
కామెంట్‌లు లేవు:
కామెంట్‌ను పోస్ట్ చేయండి