వినాయకా నిను వినా బ్రోచుటకు వేరెవరురా విఘ్నరాజా
అనాథ రక్షక నీవే కాదా ఆదరించి నను బ్రోవగ రాదా
సరసీరుహారుణాయుగ చరణ సతతం శ్రితజన సంకట హరణ
పరమకృపాసాగర వర సుగుణ పాలితజన గోపాలదాస నుత
విఘ్నములకు అధిపతివైన ఓ వినాయకా! నన్ను రక్షించుటకు నీవు తప్ప వేరెవరు? అనాథులను రక్షించేది నీవే కదా! నన్ను ఆదరించి బ్రోచుటకు రారాదా! ఎర్రని కలువల వంటి పాదములు కలిగి, నిరంతరము ఆశ్రితులైన వారి సంకటములను తొలగించే వాడవు, అపార కరుణాసముద్రుడవు, ఎన్నో సుగుణములు కలిగి జనులను పాలించేవాడవు, గోపాలదాసునిచే నుతించబడిన వాడవు, నన్ను రక్షించుటకు నీవు తప్ప వేరెవరు?
గోపాలదాసు (ఈవీ రామకృష్ణ భాగవతార్)
ఈ కృతిని ఎం.ఎల్. వసంతకుమారి గారు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి