సూర్యమూర్తే నమోస్తుతే సుందర ఛాయాధిపతే
సుందరుడు, ఛాయాదేవి పతి అయిన సూర్యమూర్తికి నమస్సులు. కార్యము, కారణము అయినవాడు, జగత్తును ప్రకాశింపజేశేవాడు, సింహరాశికి అధిపతి, ఆర్యులచే నుతించబడిన వాడు, తేజో స్ఫూర్తి అయిన వాడు, ఆరోగ్యము మరియు ఇతర శుభఫలములు ప్రసాదించే వాడు, కీర్తిమంతుడు అయిన సూర్యమూర్తికి నమస్సులు. కమలానికి మిత్రుడు, మిత్ర నామధేయుడు, సహస్ర కిరణములు కర్ణములుగా కల భానుమూర్తి, క్రూరమైన పాపములను హరించే వాడు, అగ్నిరూపుడు, స్వప్రకాశుడైనవాడు, సుబ్రహ్మణ్యునికి ఆనందం కలిగించే వాడు అయిన సూర్యమూర్తికి నమస్సులు. జ్ఞానులచే నుతించబడిన వాడు, రోజునకు మణి వంటి వాడు, చంద్రుడు మొదలైన గ్రహములలో శ్రేష్ఠుడు, ధీరులచే అర్చించబడిన వాడు, కర్మలకు సాక్షియైన వాడు, దివ్యమైన సప్తాశ్వములతో కూడిన రధమును అధిరోహించినవాడు అయిన సూర్యునికి నమస్సులు. సౌర అష్ట వర్ణ మంత్ర స్వరూపుడు, బంగారు కాంతి కలవాడు, బ్రహ్మ విష్ణు మహేశ్వరులకు ఆత్మ అయిన వాడు, భక్తిని, ముక్తిని ప్రసాదించే వాడు అయిన సూర్యమూర్తికి నమస్సులు.
సౌరాష్ట్ర రాగంలో కూర్చబడిన ఈ కృతిని బాంబే జయశ్రీ రామనాథ్ మరియు శిష్యులు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి