వల్లీనాయక నీవే గతియని మనసారగ నమ్మినాను బ్రోవుము
తల్లి తండ్రి గురు దైవము నీవని తలచి నిన్ను సంతతము మ్రొక్కితి
సారమైన నీ మహిమలను పొగడు వారి కార్యము వహియింతువని నీ
చరణాబ్జంబుల చక్కగ బట్టితి షణ్ముఖ హరికేశపుర నివాస
ఓ వల్లీనాయకా! నీవే నాకు గతియని మనసారా నమ్మినాను నన్ను రక్షింపుము. నీవే తల్లి తండ్రి గురువు దైవమని తలచి నీకు నిత్యము మ్రొక్కినాను నన్ను రక్షింపుము. ఓ షణ్ముఖా! హరికేశపుర నివాసా!శ్రేష్ఠమైన నీ మహిమలను పొగడే వారి కార్యములను నిర్వర్తించెదవని నీ చరణ కమలములను చక్కగా శరణంటిని నన్ను రక్షింపుము.
షణ్ముఖప్రియ రాగంలో కూర్చబడిన కృతిని మల్లాది సోదరులు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి