పాహిమాం శ్రీ రాజరాజేశ్వరి - మహావైద్యనాథ అయ్యరు

పాహిమాం శ్రీ రాజరాజేశ్వరి కృపాకరి శంకరి

ఏహి సుఖం దేహి సింహవాహిని దయాప్రవాహిని మోహిని

భండ చండ ముండ ఖండని మహిష భంజని రంజని నిరంజని

పండిత శ్రీ గుహదాస పోషణి సుభాషిణి రిపు భీషణి వర భూషణి

కృపను ప్రసాదించే ఓ శాంకరీ! రాజరాజేశ్వరీ! నన్ను రక్షింపుము. సింహవాహినివై దయను ప్రవహింపజేసే మోహినీ, నాకు సుఖమును ప్రసాదించుము. భండ, చండ, ముండాసురులను, మహిషాసురుని సంహరించి లోకములకు ఆనందము కలిగించిన నిర్మలమైన తల్లీ! పండితుడైన శ్రీగుహదాసుని పోషించే తల్లీ! మంచి వాక్కు గలిగిన మాతా! శత్రువులను పారద్రోలి వరములనొసగే రాజరాజేశ్వరీ! నన్ను రక్షింపుము.

- మహావైద్యనాథ అయ్యరు