కోరి వచ్చితినయ్యా కోదండపాణి నిన్ను
చూచుటకెంతో సుందరమూర్తివనుచు కోరి వచ్చితినయ్యా
చిత్తానికి నీ కృప విత్తమనుచు చాల కోరి వచ్చితినయ్యా
మెండు గుణములచే నిండు కుండయనుచు కోరి వచ్చితినయ్యా
రాజాధి రాజ త్యాగరాజనుత చరిత కోరి వచ్చితినయ్యా
ఓ కోదండరామా! నిన్ను చూడాలన్న కోరికతో వచ్చితిని. నువ్వు చూచుటకు ఎంతో సుందరమైన వాడవని కోరి వచ్చితిని. ఈ మనసుకు నీ అనుగ్రహమే సంపదలనుకొని చాలా కోరి వచ్చితిని. సమస్త సద్గుణములను కలిగియున్న నిండుకుండవని నిన్ను చూడ కోరి వచ్చితిని. చక్రవర్తివి, శంకరునిచే నుతించిబడిన నీ చరిత్ర తెలుసుకొన కోరి వచ్చితిని. నన్ను అనుగ్రహింపుము.
కామెంట్‌లు లేవు:
కామెంట్‌ను పోస్ట్ చేయండి