సారసాక్షి! సదా పాహి మాం! కుమార జనని! సరస హృదయే!
పరాశక్తి! బాలే! సుశీలే! అపార మహిమా స్ఫూర్తే! శివే!
కోటి సూర్య ప్రభే! కోమలే! త్రికోణ నిలయే! కనక సదృశే!
కటి ధృత కాంచే! సలీలే! ప్రకాశ సుగుణ కీర్తే! ఉమే!
శ్యామ కృష్ణ నుతే! శ్యామలే! శ్రీ కామకోటి పీఠ సదనే!
సామగానలోలే! సుశోభే! విశాల హృదయ మూర్తే! శుభే!
కలువల వంటి కన్నులు గల కుమారస్వామి జననీ! కరుణా హృదయము కల పరాశక్తీ! బాలాత్రిపురసుందరీ! సుగుణవతీ! అపారమైన మహిమలను కురిపించే శివానీ! నన్ను ఎల్లప్పుడూ కాపాడుము. కోటి సూర్యకాంతులతో, కోమలమై, త్రికోణములో నివసిస్తూ బంగారు కాంతితో యున్న, కటి భాగమున మ్రోగే గజ్జలను ధరించిన, లీలావినోదినియైన, సుగుణములు కలదానిగా ఎంతో ప్రఖ్యాతి గాంచిన ఓ ఉమా! నన్ను ఎల్లప్పుడూ కాపాడుము. నల్లని కృష్ణునిచే నుతించబడిన, కామకోటి పీఠములో నివసించే, సామగానమును ఆనందించే, అద్భుతముగా ప్రకాశించే, విశాలహృదయమునకు రూపమై సమస్త శుభములను కలిగించే శ్యామలా! నన్ను ఎల్లప్పుడూ కాపాడుము.
కామెంట్‌లు లేవు:
కామెంట్‌ను పోస్ట్ చేయండి