తొలి జన్మమున జేయు దుడుకు తెలిసెను రామ

తొలి జన్మమున జేయు దుడుకు తెలిసెను రామ

ఫలమేమో! మహిమ ఫలమేమో! నీ మహిమ ఫలమేమో! అరచేతి పుంటికద్దము వలె నా

రాగి పైరుల చెంత రమ్యమౌ వరి మొలక రాజిల్ల నేర్చునటరా

నాగశయన త్యాగరాజు పాపము తోను నామ పుణ్యము చెలగునా నేను

ఓ శ్రీరామా! గత జన్మలో నేను చేసిన దుష్కర్మల ఫలితమే ఈ జన్మలో నాకు కలుగుతున్నదని తెలుసుకున్నాను. అయితే ఈ సత్యాన్ని గ్రహించడం కూడా నీ మహిమ వల్లనే సాధ్యమైందో ఏమో! అరచేతిలో ఉన్న పుండును చూడటానికి అద్దం అవసరం లేనట్లే, నా పాపకర్మల ప్రభావం నాకు స్పష్టంగా కనిపిస్తోంది. రాగి పంటల మధ్య సున్నితమైన వరి మొలక చక్కగా పెరిగి వృద్ధి చెందడం ఎంత అసాధ్యమో, అలాగే పాపకర్మలతో నిండిన నా జీవితంలో పుణ్యం వికసించడం కూడా అంతే కష్టమని గ్రహించాను. ఓ ఆదిశేషునిపై శయనించే శ్రీరామా! పాపభారంతో ఉన్న ఈ త్యాగరాజుని జీవితంలో నీ పవిత్ర నామస్మరణ వల్ల కలిగే పుణ్యం ఎలా నిలిచి వృద్ధి చెందగలదు? నా గత కర్మల ప్రభావాన్ని తొలగించి, నీ నామమహిమతో నన్ను పవిత్రునిగా చేయగలిగేది నీవే కదా! 

బిలహరి రాగంలో స్వరపరచబడిన ఈ త్యాగరాజస్వామి కృతిని నేదునూరి కృష్ణమూర్తి గారు ఆలపించారు.