అమ్మా అలమేలుమంగమ్మా! నీ ప్రియమైన శ్రీ వేంకటేశ్వరస్వామిపై ఇంకా ఎంతసేపు అలిగి బాధపెడతావమ్మా? నీ అలకను విడిచిపెట్టి ఆయనను ప్రేమగా చేరదీయవమ్మా! నీ ప్రేమ కోసం స్వామి మనసులో తల్లడిల్లుతూ, నీ ముందు తలవంచి, నిన్ను చూసి పులకించిపోతున్నాడు. నిన్ను చేరాలనే కోరికతో చెమటలు పడుతూ, నీ కోపాన్ని చూసి తానూ కోపం చూపిస్తున్నట్లు నటిస్తున్నాడు. అయినా నీవు పదేపదే అలగడం ఇక చాలించవమ్మా! నీ కోసమే చేతులు చాచి, నీపై కోపం నటిస్తూ, నీ ఎడబాటును భరించలేక ఆయన శరీరం చిక్కిపోయింది. అటూ ఇటూ ఉన్న ఇతర స్త్రీల హృదయాలలో అసూయ రగిలేలా నీపై తన ప్రేమను చూపిస్తున్నాడు. కనీసం తమలపాకు మడిచి ఇవ్వమని అడిగిన ఆయన కోరికను మన్నించవమ్మా! తన అందచందాలను మరింత పెంచుకొని, మిగిలినవన్నీ మరచిపోయి, నిజమైన ప్రేమతో నీ కోసమే ఎదురుచూస్తున్నాడు ఆ శ్రీ వేంకటేశ్వరుడు. ఓ అలమేలుమంగమ్మా! ఆయనకు నీవంటే ఎంతో మక్కువ. ఇకనైనా నీ అలకను విడిచి, ఆ స్వామిని నీ కౌగిలిలోకి తీసుకొని ప్రేమతో ఆనందింపజేయవమ్మా!
భైరవి రాగంలో ఈ అన్నమాచార్యుల వారి కృతిని స్వరపరచి ఆలపించారు గరిమెళ్ల బాలకృష్ణప్రసాద్ గారు.
కామెంట్‌లు లేవు:
కామెంట్‌ను పోస్ట్ చేయండి