ఓ చండీ మాతా! ప్రచండమైన శక్తి కలిగిన చాముండేశ్వరీ! భండాసురుని సంహరించి విజయాన్ని సాధించిన పరాక్రమశాలినీ! నీకు జయము జయము. వేదాలన్నింటి పరమార్థాన్ని తెలియజేసే పరమేశ్వరీ! అజ్ఞానమనే చీకటిని తొలగించే కాళీమాతా! హ్రీంకార స్వరూపిణివై, అపారమైన శక్తి కలిగి ఉన్నప్పటికీ ఎంతో సౌమ్యంగా, వినయంతో వెలుగొందే లక్ష్మీదేవీ! నీవు ఎల్లప్పుడూ బంధాలకు అతీతమైన నిత్యముక్త స్వరూపిణివి. చేసిన కర్మల ఫలితాల వల్ల జనన మరణ చక్రంలో చిక్కుకుని, మోహంతో దిక్కుతోచక తిరుగుతున్న నన్ను ఈ సంసార బంధాల నుంచి రక్షించి ఉద్ధరించు తల్లీ! కోరిన వరాలను ప్రసాదించే చాముండేశ్వరీ! ఎన్నటికీ నశించని శాశ్వతమైన పరమపదాన్ని చేరుకునే మార్గాన్ని చూపించే జగన్మాతా! సత్యము, జ్ఞానము, అనంతమైన ఆనందము నీ స్వరూపమే. ఓ శ్రీచండీ మాతా! నీకు భక్తితో నమస్కరిస్తున్నాను.
కాపీరాగంలో స్వరపరచబడిన ఈ కృతిని మహారాజపురం సంతానం గారు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి