ఓ శ్రీలలితాంబికా! బుద్ధిలో జ్ఞానజ్యోతిగా వెలుగుతూ, దివ్యమైన తేజస్సుతో ప్రకాశించే తల్లీ! సమస్త విశ్వమంతటా నీ విశ్వరూపాన్ని ప్రదర్శిస్తూ విరాజిల్లే పరాశక్తీ! మమ్మల్ని ఎల్లప్పుడూ రక్షించుమా! జీవుల మధ్య భేదభావాలను తొలగించడంలో సమర్థురాలవై, అందరిలోనూ ఒకే పరమాత్మ చైతన్యాన్ని దర్శించే సద్బుద్ధిని ప్రసాదించే జగన్మాతా! విశాలమైన కరుణానేత్రాలతో కాశీక్షేత్రంలో విశాలాక్షిగా కొలువై ఉన్న తల్లీ! కోటానుకోట్ల జీవులకు వారి కోరికల ఫలితాలను, మోక్షాన్ని ప్రసాదించడంలో నిపుణురాలవై, మనోహరమైన నేత్రాలతో కాంచీపురంలో కామాక్షిగా విరాజిల్లే దేవీ! పున్నాగవరాళి రాగమాధుర్యంలో విహరించే సంగీతప్రియురాలా! కమలంలో ఆసీనురాలైన గజలక్ష్మీ స్వరూపిణీ! శివుని దివ్యశక్తిగా ప్రకాశించే పరమేశ్వరీ! దత్తపీఠ మందిరంలో కొలువై భక్తులకు సుఖశాంతులను ప్రసాదించే కరుణామయీ! సద్గురుస్వరూపిణీ! సత్యం, జ్ఞానం, అనంతమైన ఆనందమే స్వరూపంగా కలిగిన సచ్చిదానందరూపిణీ! ఓ శ్రీలలితా పరమేశ్వరీ! నీ దివ్యానుగ్రహంతో మమ్మల్ని సదా రక్షించుమా!
పున్నాగవరాళి రాగంలో స్వరపరచబడిన ఈ గీతాన్ని సంగీత సాధనాంజలి బృందం వారు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి