యావేదాదిషు గాయత్రీ సర్వవ్యాపీ మహేశ్వరీ
ఋగ్యజుస్సామాధర్వైశ్చ తన్మేమనశ్శివ సంకల్పమస్తు
అన్ని వేదములలో ప్రతిపాదించబడిన గాయత్రి సర్వ మానవుల బుద్ధులయందు మంగళకరములైన సంకల్పములను కలిగించును
(మహన్యాసము)
గాయత్రీం చింతయేద్యస్తు హృత్పద్మే సముపస్థితాం
ధర్మాధర్మ వినిర్ముక్తస్సయాతి పరమాంగతిమ్
గాయత్రిని హృదయములో ఉపాసన చేయువాడు ధర్మాధర్మ విచికిత్స చేత బంధింపబడకుండా మోక్షమును పొందుతాడు
(వేదవ్యాసుడు)
గాయత్రీ వేదజననీ గాయత్రీ లోకపావనీ
న గాయత్య్రాః పరం జప్యం ఏతద్విజ్ఞానముచ్యతే
గాయత్రియే వేదమాత, ముల్లోకవాసులకు జ్ఞానమును ప్రసాదించు పావని. గాయత్రీమంత్ర జపమును మించినది మరొకటి లేదు.
(కూర్మపురాణం)
గాయత్రీంచైవ వేదాంశ్చ తులయో సమతోలయన్వే
దా ఏకత్ర సాంగాస్తు గాయత్రీచైకత స్థితా
నాలుగు వేదములను, ఆరు వేదాంగములను త్రాసు యొక్క ఒక పళ్లెమునందు, గాయత్రీ మంత్రమును రెండవ పళ్లెమునందు ఉంచి తూచినచో గాయత్రి వైపే త్రాసు మొగ్గు చూపును
(యాజ్ఞవల్క్యుడు)
న గాయత్య్రాః పరమ్ మంతం న మాతుః పరదైవతమ్
తల్లిని మించిన దైవము, గాయత్రిని మించిన మంత్రము లేవు
(ఆర్షసూక్తి)
చత్వారో వేదాస్సంగాऽస్యోపనిషదస్సేతిహాసాః సర్వే గాయత్య్రాః ప్రవర్తంతే
వేదము, వేదాంగములు, ఉపనిషత్తులు, ఇతిహాసములు అన్నియు గాయత్రి వలననే ప్రవర్తించును
(గాయత్రీ ఉపనిషత్తు)
గాయత్రీ మాత్రనిష్ఠస్తు కృతకృత్యో భవేద్విజః
ఒక్క గాయత్రీ మంత్రమును ఉపాసించుటచే ఇతర మంత్రముల ప్రమేయము లేకనే ద్విజుడు కృతార్థుడగును.
(గాయత్రీ రహస్యం)
సర్వాత్మనాహి యా దేవీ సర్వభూతేషు సంస్థితా
గాయత్రీ మోక్షహేతుర్వై మోక్షస్థానక లక్షణమ్
సమస్తభూతముల యందు అంతర్యామినియై వర్తించు గాయత్రియే మోక్షస్వరూపము, మోక్షప్రసాదిని అయి ఉన్నది.
(ఋష్యశృంగుడు)
కామెంట్‌లు లేవు:
కామెంట్‌ను పోస్ట్ చేయండి