21, నవంబర్ 2026, శనివారం

తులసీ! జగజ్జననీ! దురితాపహారిణీ! - త్యాగరాజస్వామి కృతి


తులసీ! జగజ్జననీ! దురితాపహారిణీ!

నిలవరమగు నీసరి వేల్పులు లేరట బ్రోవుమికను

చరణ యుగంబులు నదులకు పరమ వైకుంఠమట
సరసీరుహాక్షి నీ మధ్యము సకల సురవాసమట
శిరమున నైగమ కోటులు చెలగుచున్నారట
సరస త్యాగరాజాది వరభక్తులు పాడేరట

ఓ తులసీమాతా! సమస్త జగత్తుకూ తల్లివైన జగజ్జననీ! భక్తుల పాపములను, కష్టములను తొలగించే దురితాపహారిణీ! నీతో సమానమైన మహిమగల దేవతలు మరెవరూ లేరని పెద్దలు చెబుతారు. అందువల్ల ఇకనైనా నన్ను కరుణతో రక్షించుము తల్లీ! నీ పాదయుగళములే సమస్త పవిత్ర నదులకు, పరమ వైకుంఠధామమునకు నిలయములని చెబుతారు. కమలములవంటి సుందరమైన కన్నులు గల తల్లీ! నీ మధ్యభాగమున సమస్త దేవతలు నివసిస్తున్నారని, నీ శిరస్సున కోట్లాది వేదములు ప్రకాశిస్తున్నాయని చెబుతారు. ఇంతటి దివ్యమైన, పవిత్రమైన, సర్వదేవతా స్వరూపిణివైన నీ మహిమలను త్యాగరాజస్వామి వంటి శ్రేష్ఠభక్తులు ఆనందముతో గానము చేస్తున్నారు. ఓ తులసీమాతా! సర్వతీర్థములు, సర్వదేవతలు, వేదములు నీలోనే కొలువై ఉన్నందున నిన్ను భక్తితో శరణు వేడుతున్న నన్ను దయతో కాపాడుము.

సావేరి రాగంలో స్వరపరచబడిన ఈ త్యాగరాజస్వామి కృతిని మంగళంపల్లి బాలమురళీకృష్ణ గారు ఆలపించారు.   

కామెంట్‌లు లేవు:

కామెంట్‌ను పోస్ట్ చేయండి

తులసీ! జగజ్జననీ! దురితాపహారిణీ! - త్యాగరాజస్వామి కృతి

తులసీ! జగజ్జననీ! దురితాపహారిణీ! నిలవరమగు నీసరి వేల్పులు లేరట బ్రోవుమికను చరణ యుగంబులు నదులకు పరమ వైకుంఠమట సరసీరుహాక్షి నీ మధ్యము సకల సురవాసమ...