సిద్ధీశ్వరాయ నమస్తే - ముత్తుస్వామి దీక్షితుల వారి తిరువారూర్ పంచలింగ కృతి

సిద్ధీశ్వరాయ నమస్తే జగత్ప్రసిద్ధేశ్వరాయ నమస్తే

బుద్ధీశ్వరాయ పరాయ వరాయ భుక్తిముక్తిప్రద చతురతర కరాయ

శుద్ధసత్వగుణాకరాయ విశుద్ధచక్రనిలయాయ నిత్యసుఖతరకరాయ శంకరాయ

నిర్మలహృదయవిహారాయ హరాయ నీలాంబరాకారాయ శ్రీకరాయ

చర్మాంబరధరాయ చంద్రశేఖరాయ శబ్దాది పంచతన్మాత్రాధారాయ

ధర్మాద్యఖిల పురుషార్థ ప్రదాయక గురుగుహ కుమారాయ

కర్మజ్ఞానయోగసాక్షాత్కారాయ విదళిత మారాయ

ఓ సిద్ధీశ్వరా! నీకు నమస్కారము. జగత్తులన్నిటిలో ప్రసిద్ధి చెందిన ఈశ్వరా! నీకు నమస్కారము. బుద్ధికి అధిపతివైన బుద్ధీశ్వరా! సర్వోన్నతుడవైన పరమేశ్వరా! వరములను ప్రసాదించేవాడా! భోగములను, మోక్షమును అనుగ్రహించుటలో అత్యంత సమర్థమైన హస్తములు కలవాడా! పరిశుద్ధమైన సత్త్వగుణములకు నిలయమైనవాడా! విశుద్ధచక్రమునందు నివసించేవాడా! శాశ్వతమైన పరమానందమును ప్రసాదించేవాడా! సర్వమంగళకరుడవైన శంకరా! నిర్మలమైన హృదయములలో విహరించేవాడా! సమస్త పాపములను హరించేవాడా! నీలాకాశమువంటి అనంతమైన స్వరూపము కలవాడా! సకల శుభములను ప్రసాదించేవాడా! చర్మమును వస్త్రముగా ధరించేవాడా! శిరస్సున చంద్రకళను అలంకరించుకున్న చంద్రశేఖరా! శబ్దము, స్పర్శ, రూపము, రసము, గ్రంధి అనే పంచతన్మాత్రలకు ఆధారమైనవాడా! ధర్మము, అర్థము, కామము, మోక్షము అనే సమస్త పురుషార్థములను ప్రసాదించేవాడా! గురుగుహుని కుమారుడవైన సిద్ధీశ్వరా! కర్మయోగము, జ్ఞానయోగము ద్వారా ఆత్మసాక్షాత్కారమును కలిగించేవాడా! మన్మథుని సంహరించినవాడా! నీకు నమస్కారము.

నీలాంబరి రాగంలో స్వరపరచబడిన ఈ ముత్తుస్వామి దీక్షితుల వారి తిరువారూర్ పంచలింగ కృతిని ఆర్ వేదవల్లి గారు ఆలపించారు.