16, నవంబర్ 2026, సోమవారం

కైలాస గిరి నుండి కాశికై - దేవులపల్లి కృష్ణశాస్త్రి గీతం



కైలాస గిరి నుండి కాశికై కాశికాపురి నుండి దాసికై
దాసికై ఈ దక్షవాటికై దయచేసినావయా
హర హర హర హర హర హర హర హర

విరిసె జాబిలి మల్లెరేఖగా
కురిసె తేనియల మువ్వాకగా
దరిసి నీ దయ నిండు గోదావరీ నది
ఝరులాయెరా హరా
హర హర హర హర హర హర హర హర

ముక్కోటి దేవతల నేతరా
ముల్లోకములకిష్ట దాతరా
వెలిబూది పూతరా
నలవిసపు మేతరా
హర హర హర హర హర హర హర హర 

ఓ పరమేశ్వరా! కైలాసగిరి నుండి కాశీక్షేత్రానికి, అక్కడి నుండి నీ భక్తురాలి కోసమై దక్షవాటికగా ప్రసిద్ధి చెందిన ద్రాక్షారామ క్షేత్రానికి దయతో విచ్చేసినావయ్యా! ఓ హరా! నీ రాకతో చంద్రవంక తెల్లని మల్లెపూవుల రేఖవలె విరిసింది. తేనెలవంటి మధురమైన అమృతధారలు వర్షించాయి. నీ అపారమైన కరుణతో నిండిన పవిత్ర గోదావరీ నది జలధారలుగా ఉప్పొంగి ప్రవహించింది. ఓ హరా! ముక్కోటి దేవతలకూ నాయకుడవు నీవే కదా! ముల్లోకాలలోని సమస్త జీవుల కోరికలను తీర్చే వరప్రదాతవు నీవే కదా! శరీరమంతా తెల్లని విభూతిని పూసుకున్నవాడవు నీవే కదా! సమస్త లోకాలను రక్షించడానికి నల్లని హాలాహల విషాన్ని మింగిన మహాత్యాగమూర్తివి నీవే కదా! ఓ కరుణాసాగరా! కైలాసాన్ని వీడి భక్తుల కోసం దక్షవాటికకు ఏతెంచిన నీ దయకు, నీ మహిమకు, నీ లోకరక్షణ తత్పరతకు శిరసు వంచి పదేపదే 'హర హర హర హర' అంటూ నిన్ను కీర్తిస్తున్నానయ్యా!

దేవులపల్లి కృష్ణశాస్త్రి గీతాన్ని పాలగుమ్మి విశ్వనాథం గారు కనకాంగి రాగంలో స్వరపరచగా బీ వసంత గారు ఆలపించారు. 

కామెంట్‌లు లేవు:

కామెంట్‌ను పోస్ట్ చేయండి

కైలాస గిరి నుండి కాశికై - దేవులపల్లి కృష్ణశాస్త్రి గీతం

కైలాస గిరి నుండి కాశికై కాశికాపురి నుండి దాసికై దాసికై ఈ దక్షవాటికై దయచేసినావయా హర హర హర హర హర హర హర హర విరిసె జాబిలి మల్లెరేఖగా కురిసె తేని...