పతికి హారతీరే సీతా
అతి మృదుతర సత్వభాషణునికి అఖిలాండనాథునికి సీతా
భావం:
ఓ భక్తులారా! సీతాదేవి పతి అయిన శ్రీరామచంద్రునికి మంగళహారతులు సమర్పించండి! అత్యంత మృదువుగా, సాత్వికంగా, మధురంగా మాట్లాడే స్వభావం కలవాడు, సమస్త బ్రహ్మాండాలకు అధిపతీ అయిన శ్రీరామునికి హారతులు ఇవ్వండి! బంగారు వర్ణంతో ప్రకాశించే ఆదిశేషునిపై సుందరంగా విరాజిల్లుతూ, మరకతమణివంటి శ్యామల దేహకాంతితో మెరిసిపోయే శ్రీరాముడు, మెరుపుతీగవంటి సౌందర్యంతో ప్రకాశించే తన ప్రియసతి సీతాదేవితో మధురంగా సంభాషిస్తూ, ఆమెను ప్రేమగా చూస్తూ ఆనందంతో ఉప్పొంగిపోతున్నాడు. అటువంటి సీతాపతికి మంగళహారతులు సమర్పించండి! తనపై అపారమైన ప్రేమానురాగాలతో ఇరువైపులా నిలిచినవారి మధ్య, తళుక్కున మెరిసే సుందరమైన ముఖంతో, చంద్రునివంటి కాంతితో వెలుగొందుతున్న శ్రీరామునికి, సీతాదేవి ప్రేమతో ఆయనను చూస్తుండగా ఆమె ముక్కెర సుతారంగా కదులుతున్న ఆ మనోహరమైన దృశ్యాన్ని దర్శిస్తూ హారతులు ఇవ్వండి! రాజులలో శ్రేష్ఠులైనవారు, సూర్యచంద్రులు, భూసురులైన బ్రాహ్మణోత్తములు, శుకమహర్షి, బ్రహ్మదేవుడు మొదలైన మహనీయులు ఆ దివ్యదృశ్యాన్ని దర్శిస్తుండగా, హారతులు సమర్పించే భక్తుల చేతులకు ధరించిన అందమైన గాజులు ఘల్లుఘల్లుమని మ్రోగుతుండగా, మహిమాన్వితుడు, త్యాగరాజస్వామిచే స్తుతింపబడినవాడు అయిన శ్రీరామచంద్రునికి మంగళహారతులు సమర్పించండి!
సురటి రాగంలో స్వరపరచబడిన ఈ త్యాగరాజస్వామి కృతిని మహారాజపురం సంతానం గారు ఆలపించారు.
