రోగ నిరోధక శక్తి

తిప్పతీగ

కలబంద(ఆలో వేరా)

తులసి

రాందేవ్ 

వర్షాకాలం, పరిశుభ్రత ఎక్కువ ఉండని కాలం. కాబట్టి అన్ని రకాల సూక్ష్మ క్రిములు వృద్ధి చెంది రోగాలు వ్యాప్తి చెందే సమయం.  బాబా రాందేవ్ ప్రకారం, ఇటువంటి సమయంలో స్వైన్ ఫ్లూ, డెంగీ, మలేరియా వంటి ప్రాణాంతక జ్వరాలనుంచి కాపాడుకోటానికి కొన్ని చిట్కాలు:

1. ప్రతిరోజూ ఉదయం పరకడుపున ప్రాణాయామం 15 నిమిషాలు. అనులోమ విలోమము, భస్త్రిక, కపాల భాతి - తప్పకుండా చేస్తే ఊపిరితిత్తులు బలంగా ఆరోగ్యంగా ఉంటాయి. ఆక్సిజన్ శరీరం లోని కణాలకు బాగా వెళ్లి రోగనిరోధక శక్తిని పెంచుతుంది.
2. ప్రతి రోజు ఉదయం తులసి ఆకులను కొన్ని తింటే సర్వ రోగ నివారిణి. ఆకులు బాగా కడిగి (ఒక 10 ఆకులు) నమిలి తింటే దివ్యౌషధం. 
3. కలబంద (ఆలో వేరా) ఆయుర్వేదం ప్రకారం సంజీవని లాంటిది. పైన బెరడును తీసేసి, మధ్యలో మెత్తగా ఉండే పదార్థాన్ని అలాగే కానీ రసం చేసి కానీ తీసుకుంటే ఈ విష జ్వరాల బారిన పడకుండా ఉండవచ్చు.
4. తిప్పతీగ (మనకు ఆంధ్ర ప్రదేశ్ లో బానే దొరుకుతుంది, చిత్రం పైన) రసం, తులసి రసం కలిపి తీసుకుంటే రోగ నిరోధక శక్తి బాగా పెరుగుతుంది.  తిప్పతీగ వివరాలు.

అన్నిటికన్నా ముఖ్యమైనది - ఇవి పని చేస్తాయి అన్న నమ్మకం, క్రమం తప్పకుండా తీసుకుని, ప్రాణాయామం చేస్తే రోగాలు మీకు దూరం.