నగుమోము గలవాని

ఉత్సవ సాంప్రదాయ కీర్తన - నగుమోము గలవాని - మధ్యమావతి రాగం

నగుమోము గలవాని నా మనోహరుని
జగమేలు శూరుని జానకీ వరుని

దేవాది దేవుని దివ్య సుందరుని
శ్రీ వాసుదేవుని సీతారాఘవుని

సుజ్ఞాన నిధిని సోమ సూర్యలోచనుని
అజ్ఞానతమము అణచు భాస్కరుని

నిర్మలాకారుని నిఖిలాఘ హరుని
ధర్మాది మోక్షమ్ము దయచేయు ఘనుని

బోధతో పలుమారు పూజించి
నేనారాధింతు శ్రీ త్యాగరాజ సన్నుతుని

యూట్యూబ్ లంకె