గణనాయకం భజేహం భజే
కమలేశనుతం కామరిపుసుతం
అణిమాది సిద్ధి దాయకం సుముఖం
వాణీ రమణానందం వరదం
వదనేద్విరదం వరబాలగురుగుహం
గణములకు నాయకుడు, విష్ణువుచే నుతించబడినవాడు, మన్మథుని శత్రువైన పరమశివుని కుమారుడు అయిన గణపతిని భజిస్తున్నాను. అణిమాది అష్ట సిద్ధులను ప్రసాదించేవాడు, ప్రసన్నమైన ముఖము కలవాడు అయిన గణపతిని భజిస్తున్నాను. సరస్వతీదేవి పతి అయిన బ్రహ్మకు ఆనందం కలిగించేవాడు, వరములనొసగేవాడు, గజముఖము కలిగినవాడు, బాలుడైన కుమారస్వామిని అనుగ్రహించినవాడు అయిన గణపతిని భజిస్తున్నాను.
(అణిమ,మహిమ,గరిమ,లఘిమ,ప్రాప్తి,ప్రాకామ్యము, ఈశత్వము,వశిత్వము అనేవి అష్ట సిద్ధులు. రెండు దంతములు కలిగినది ఏనుగు అందుకే దానిని ద్విరదము అన్నారు) . రుద్రప్రియ రాగంలో స్వరపరచబడిన ఈ కృతిని ఎం ఎల్ వసంతకుమారి గారు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి