నిమిషమైన శ్రీరామ యనరాద నిత్యము గాదీ మానవ జన్మము
అమిత మహిమ గలవాడని రాముని ఆ మహాదేవుడే సన్నుతించుచుండగ
హరిహర మంత్రమునకు జీవ వర్ణాత్మకుడు సురరిపు రావణుని నిగ్రహించినవాడు
పరమ భక్తులనెల్ల పాలించువాడు పరమ పురుషుడతడే వాసుదేవుడని తెలిసి
ఓ మనసా! ఈ మానవ జన్మ శాశ్వతము కాదు కదా, ఒక్క నిమిషమైన శ్రీరామ యని పలుకరాదా? అమితమైన మహిమ గలవాడని ఆ పరమశివుడే రాముని సన్నుతించుచున్నాడు, ఒక్క నిమిషమైనా ఆ రామ నామము పలుకరాదా? హరిహరుల మంత్రములలోని జీవమైన రా, మ అక్షరములకు రూపమైన వాడు, దేవతలకు శత్రువైన రావణుని అణచిన వాడు, పరమ భక్తులనందరినీ బ్రోచేవాడు, పరమపురుషుడు, అతడే వాసుదేవుడని తెలిసి ఒక్క నిమిషమైన శ్రీరామ యని పలుకరాదా?
సామ రాగంలో స్వరపరచబడిన ఈ కృతిని మణి కృష్ణస్వామి గారు ఆలపించారు.
కామెంట్‌లు లేవు:
కామెంట్‌ను పోస్ట్ చేయండి