గురు లేక ఎటువంటి గుణికి తెలియగబోదు
కరుకైన హృద్రోగ గహనమును గొట్ట సత్
తనువు సుత ధన దార దాయాది బాంధవులు
జనియించి చెదరు జాలిని కరుణతో
మనసునంటక మంచి మందనుచు తత్వబో
ధన చేసి కాపాడు త్యాగరాజాప్తుడగు
ఎంతటి సద్గుణ సంపన్నుడైనా గురువు లేకుండా పరతత్త్వము బోధపడదు. హృదయములో జన్మించిన కర్కశమైన అజ్ఞానపు ఆలోచనలనే అరణ్యమును ఛేదించుట గురువులు లేకుండా సాధ్యము కాదు. శరీరము, బిడ్డలు, ధనము, భార్య, దాయాదులు మొదలైన బంధువులు ఇవన్నీ శాశ్వతము కాదు అనే సత్యాన్ని మనపై కరుణతో, ఆ సంసార వాసనలను మన మనసులకు అంటకుండా మంచి మందు లాగా తత్త్వబోధ చేసి కాపాడే సుజ్ఞానము గురువు లేకుండా ఎంతటి సద్గుణ సంపన్నునికైనా బోధపడదు.
శ్రీగురుభ్యోనమః _/\_
కామెంట్‌లు లేవు:
కామెంట్‌ను పోస్ట్ చేయండి