అంగనలీరే ఆరతులు అంగజగురునకు నారతులు
ఓ స్త్రీలారా! మన్మథునికి తండ్రియైన సౌందర్యమూర్తి శ్రీవేంకటేశ్వరునికి మంగళహారతులు సమర్పించండి. లక్ష్మీదేవితో కలిసి ఆనందంగా చిరునవ్వులు చిందిస్తున్న ఆదిపురుషునికి హారతులు ఇవ్వండి. భూదేవి సంతోషంగా మేళతాళాలతో నృత్యం చేస్తుండగా, సూర్యునితో సమానమైన దివ్యతేజస్సుతో ప్రకాశిస్తున్న స్వామివారికి హారతులు సమర్పించండి. దేవతలకు అమృతాన్ని లభింపజేసిన శ్రీహరికి బంగారు హారతులు పట్టండి. దుష్టులను, దానవులను సంహరించి, శత్రువులకు భయంకరుడిగా నిలిచిన పరాక్రమశాలికి హారతులు ఇవ్వండి. నిత్యమూ సమస్త మంగళాలకు నిలయమై, భక్తులకు శుభాలను ప్రసాదించే అచ్యుతునికి మంగళహారతులు సమర్పించండి. తిరుమలలో శ్రీ వేంకటేశ్వరస్వామి, అలమేలుమంగమ్మ పరస్పరం అనురాగంతో, ఒకరికొకరు తగిన దివ్యదంపతులుగా కొలువై ఉన్నారు. ఆ లక్ష్మీనారాయణుల దివ్యసాన్నిధ్యంలో భక్తితో హారతులు సమర్పించి, వారి మంగళస్వరూపాన్ని దర్శించి తరించండి.
సురటి రాగంలో స్వరపరచబడిన ఈ అన్నమాచార్యుల వారి కృతిని శోభారాజు గారు ఆలపించారు.
